Одбележан Светскиот ден на Првата помош
SLIKA
Црвениот крст на град Скопје се приклучи кон одбележувањето на Светскиот ден на првата помош, кој оваа година се одбележи под мотото: „Првата помош за ранливото население“
Преку едукации за практицирање на првата помош најнапред се опфатија 40 лицата/ осуденици од КПД Идризово (женски отворен дел) и Истражниот затвор Ш. Оризари (машки отворен и полуотворен дел).
Едукации за основите на Првата помош беа одржани и за најмладите во 2-та дневни центри за деца од улица (Ш. Оризари и Топаана- МИР).
За 50 дечињата кои ги посетуваат дневните центри беше реализирано адаптирано предавање и едукација преку анимирана презентација и со помош на мечето „Медо„ на кое најмладите демонстрираа укажување на Прва помош.
Со цел промоција на Првата помош кај пошироката заедница, релизирана беше и показна вежба/ едукација за поголемите деца од 2-та дневни центри (Ш. Оризари и МИР) како и за децата од заедницата на бегалци/баратели на азил во РМ кои го посетуваат едукативниот центар на Црвен крст во Ш. Оризари.
Со реалистично претставување на повреди и манекени, 20 млади имаа можност да ги научат основите на Првата помош преку директна активност. Инструктори на вежбата и едукациите беа обучените млади од клубот на млади Ш. Оризари